ต่อไป »

[บุคคลทั่วไป]

กด Link เพื่อร่วมกิจกรรม ผ่านFacebook (หรือกดปุ่มสมัครสมาชิกด้านบน)

[ตะวันฉาย]

...เห็นพี่น้องฮ่วมต้อน  มาเว่าผญาเบิ่ง 
หวังอยู่เคียงฮ่วมต้อนบ้านกลอนตอนสิเที่ยง
ใจกะบ่หน่ายเอียงแวะมาวาเว่านำ ชันแหล่ว..

...หลานางเอ๊ย    เห็นว่าดำขี่หลี่    อย่าฟ่าวคีเฮือกาย   เห็นว่าดำค้อยลอย   
อย่าฟ่าวพายเฮือเว้น บัดถ้าเฮือติดข้อย   บักอ้ายดำค้อยลอย  ยังสิได้ยู้ซอย   
คั่นบ่เอิ้นใส่ข่อย      เจ้าสิเอิ้นใส่ไผ
ว่าแต่ควมผญาเจ้า    บาดลึกกินใจ   ไผได้พ้อ ไผได้ชม  คือสิมัก  แพงเจ้า
แนวบักอ้ายผู้นี้   กะมีฮักน้อ   หนึ่งแท้    ว่าสิแผต่อเจ้า   
คั่นสิเอาให้ฮักกัน  แท้ ๆ    แนเด้อ (tanapok )]

...อ้ายเอ้ยขั้นว่าน้องฮักแล่ว กะมีอ้ายแต่ผูเดียว
สิไห่เหลียวเบิ่งไผ ใจน้องนั่นบ่มี  แนวมักอ้ายผูนี่  ยังถ่าอยู่บ่ไปไส
ต่อผญามักน้องไว้  อย่าหนีหน่าหายไปไส 
คั่นสิฮักกันแท้กะมาเว่าฮ่วมกั๋น เด้ออ้ายเด้อ..

[tanapok]

น้องหลาเอ๊ย  บ่าวบ้านได๋มาเฮ็ดให้เจ้า  ฮ้องไห้   เสียใจ   คัก  แน  คั่น  เขา  บ่  ฮัก  แท้   ยังมีฮัก  ของ  อ้าย  จริง แท้  ต่อ เธอ

กลับมาโลด  น้องหลา   สิไห้มา กะ บ่ว่า      อ้าย  สิ เซ็ด  น้ำ ตา  นางน้อง  ให้   ซวงใจ

ให้เจ้าเซ่า  คิดพ้อ   เขาพุ้น   ผู่บ่ฮัก    ขอให้เจ้า  ฮู้ โลด    บักอ้าย  ผู่นี่   ฮักมั่น    เจ้า  ผู่ เดียว...................  เด้อ นาง

[ชมพูไพร]

ผู้สาวนั่งเข็นฝ้าย ........ชายกะนั่งเคียงกัน
พรรณนาคำกลอน ......เกี้ยวคำผญาเว้า
สาวกะเอาคำโต้ .........โยเยให้ฮู้ท่า
ส่วนว่าบาบ่าวท้าว .......กะเพียรเว้าว่าฮักหลาย
สาวกะบอกว่าอ้าย ......อย่าสิหล่ายแต่คำตั๋ว
น้องนี่กลัวคำลวง .........อย่าล่วงวาจาดื้อ
คันบ่คือคำเว้า ........... อย่าสิเอามาเว้าว่า
สิมาต้มผู้ข้า ..............ปะเดี๋ยวฟ้าสิผ่าเอา....สาเด๋
บัดนี่ชายกะเว้า ......... เอามือยกสาบาน
ขานเป็นวาจาไข .........ว่าดั่งใจคำเว้า
คันข้าเอาคำต้ม ..........เป็นคารมย์เว้าหล่าย...สาแหล๋ว
ขอให้ฟ้าผ่าอ้าย ............ ให้ตายแท้ขั่นบ่จริง
สาวกะนั่งเงียบนิ่ง .........ครุ่นคิดอยู่ในใจ
แล้วจั่งไขวาจา ..........ตอบบาพี่ชายท้าว
อ้ายสิเอาจริงแท้ ..........บ่มีแปลซั่นบ้อพี่
คันคิดดีแท้แท้ ............ให้ถามแม่เบิ่งก่อนนา
ตกลงกันแล้วน่า .........กะจั่งว่าได้มาขอ
กะจั่งขอยอยก ...........ขันหมากมาเพียงพร้อม
จั่งได้ดอมชมชื่น ..........เข้าพาขวัญป้อนไข่หน่วย
นี่จั่งสมครบด้วย ..........บทเบื้องสิแต่งงาน ...นี่แหล่ว
นี่จั่งแม่นแบบบ้าน ..........ของเก่าโบราณเดิม
เติมขึ้นมาทีหลัง ............หากบ่คือแนวนี่
อันแนวดีมันเบิดสิ้น ........มีแต่กินแล้วจั่งแต่ง
สาวกะห่าวแข้งแข้ง ......... แซงหน้าบ่ว่ากัน ฯ...เหอะ ๆ...

โดย :  ศักดิ์ดาน้อย เมืองสกลฯ

[Numwan]

 
 ...ฝนตกยังฮู้เอื้อน               กบกินเดือนยังฮู้อิ่ม
บาดว่าน้องคิดฮอดอ้าย              บ่มีมื้อเอื้อมอิ่มเป็นแท้น้อ...
   ...ฝนตกยังฮู้เอื้อน               เดือนหงายยังฮู้มืด
บาดว่าน้องคิดฮอดอ้าย            สังมาลืมบ่เป็นเด้อ้ายเอ้ย...

"ขอฝากกลอนผญาไว้นำจักคนแหน่เด้อจ้าอยากแต่งให้เก่งๆ ฝากเนื่อฝากโตนำแหน่เด้อจ้า อิอิๆๆ(ลูกอีสานขนานแท้พะนะว๊า..พะนะว่า)"