ต่อไป »

[บุคคลทั่วไป]

กด Link เพื่อร่วมกิจกรรม ผ่านFacebook (หรือกดปุ่มสมัครสมาชิกด้านบน)

[จีราวัฒน์]

    อันตั๋วเฮาป้อจายตี้อกหัก
โดนคนน่าฮักมาจุฮื่อฮักเขา
แล่วเป๋นจะใดมาย่ะฮื่อเฮาเศร้า
หรือว่าเขามีแฟนแล้วบ่ใจ้ก่า

    แล่วใจ๋ผมคนนี่ไผจะฮักษา
เมื่อคนนั่นมาจุจ๋นมีน่ำต๋า
แล่วใจ๋หมาวัดคนนี่ละนางฟ่า
จะฮื่อข้าย่ะจะใดกับใจ๋ดี

   ถึงต๋อนนี่ยังบ่มีผู้ใดมาดูแล
ฮักษาแผลตี้เธอย่ะหมองศรี
ตั๋วกระผมหัวใจมันบ่ดี
ตี้หลงฮักคนมีเจ้าของจ๋นหมองใจ๋

  -*--**-*--นี่แหละครับหัวใจ๋เด็กเหนือล้านนา-*-*-*--เศร้า......

[ปางสีฝุ่น]

อั่นความฮัก..มันมัก..มีฮั่นอย่าง
จะฮู้บ้าง..บ่ฮู้บ้าง..อย่าฟั้งว่าเขา
ฮักอย่างใด..มันอยู่..ตี้ตั๋วเฮา
บ่ใจ๋มัวเมา..ตึงจะหัน..มันเป็นจะอี้


อันป้อจายฮูกแม่จามเทวี  ใคร่ฮ่วมแจมโตยคนเน้ออ

[จีราวัฒน์]

     จะว่าไป..ความฮัก..ของเด็กเหนือ
อาจเหลือเฟือ...หากฮัก..อย่างมีศิลป์
ฮักไปเกิ่ง..เก็บไว้เกิ่ง..จาปี๋ฮักหมดชีวิณ
ถ้าฮักบิ่น..แล่วใจ๋เฮา..มันจะเศร้าต๋าย

    ฮักได้ก็ฮักไป
บ่ได้ว่า..ฮื่อไผ..ตี้ไหนหนา
แต่ตั๋วผม..อกหัก..มาหลายครา
ขออำลา..ฮักลวง..ปวงชีวิณ
   

[Kotchanan]

เป๋นฮั่นหยัง บ่ฮู้ ดอกความฮัก
ข้าเจ้าบ่ ประจักษ์ ฮักเหลือหลาย
เป๋นจะอี้ แหละหนอ..ใจ๋ป้อจาย
อาจเศร้าต๋าย ฮักไผ..บ่ได้เลย.


***ข้าเจ้าบ่ใช่สาวเหนือ..ผิดพลาดอันใดขออภัยมา ณ ที่นี้

[ปางสีฝุ่น]

อันความฮัก..ตี้ว่าแน่..แต้นะก๊ะ
อย่าฟั้งละ..เฮาอาจผ่อ..ว่าบ่ดี๋
ลองมากึด..ย่ะใดพ่อง..ตึงมีวิธี
ลองต๋ามปี้.-.หนาน.แฮ่มกำลอ..อาจผ่อเข้าใจ๋

[จีราวัฒน์]

    เจ้าดอกฟ่า  กับ หมาวัด
ไผมา จัดระเบียบ ฮื่อเหยียบหยัน
ตั๋วเฮานี่  อกหัก  มาหลายวัน
อกหักมา  ตั้งแต่จั๋นทร์ ยันเสาร์  เศร้า อุรา

   ถึงตั๋วปี้  บ่ใจ้ คนเหนือแต้
แต่ก่แคร์ หัวใจ๋ ป้าจายแต้หนา
จะอี้แล้ว  เด็กเหนือ ก็ศรัทธา
ขอปูจา ปี้สาว กู่เจ้า แลง

       -*-*-  

[จีราวัฒน์]

        ขอบคุณพี่ๆ มากนะครับ  ที่มาโพสด้วยกัน 

 ผมก็แค่ มาตั้งหัวข้อไว้อ่า  ไม่นึกว่าจามีคนมาช่วยโพสด้วยกัน

  ยังงัยก็ ขอบคุณอีกทีนะครับ   

-*-    จีราวัฒน์  -*-

[สุภาพบุรุษทรชน]

..อันตัวเราคนไกลใช่คนเหนือ
..แต่หัวใจเหลือเฟือเอื้อเฟื้อสาว
..สูงเสียดฟ้าหมายปองมองเห็นดาว
..ท่ามหมอกพราวขาวผ่องส่องดวงใจ

..อ้ายภูมิใจคนดีที่ได้ฮัก..
..ได้รู้จักน้องนางที่เจียงใหม่
..อู้คำเมืองว่าฮักลองพักใจ
..มอบไว้ในดอยเก่าที่เฝ้าคอย

 ..................................

[สายชล]

เข้ามาป๊ะ กระทู้ไก่ บ่าวล้านนา
ฟังกำอู้ กำจา ว่าอกหัก
ไปปั๋นใจ๋ ฮื้อไผ ตังใดนัก
ถึงอกหัก ฮักร้าว เศร้าหัวใจ๋

บ่เป็นหยัง น้องไก้ มาตี่นี่
ตั๋วปี้นี้ กะขอเป็น กำลังใจ๋
ขอหื้อน้อง มีสุข หายไวๆ
หื้อน้องไก่ จะไปเศร้า เหงาใจเมิน

เป็นกำลังใจฮื้อเน่อน้องไก่ คนล้านนาโตยกั๋น

[Kotchanan]

อู้กำเมือง เรื่องอ๊กหัก แหละฮักร้าว
ไก่ผู้บ่าว สาวสายช๋ล คนทางเหนือ
บ้านเดียวกั๋น ล้านนา มาเอื้อเฟื้อ
อ่านไม่เบื่อ เลยน้องฮัก..ชักติ๊ดใจ๋..


***เหอะๆ ขออภัยอีกรอบ..แบบว่าอยากแจมอ่ะนะ...

[สายชล]

อู้กำเมือง เรื่องอ๊กหัก แหละฮักร้าว
ไก่ผู้บ่าว สาวสายช๋ล คนทางเหนือ
บ้านเดียวกั๋น ล้านนา มาเอื้อเฟื้อ
อ่านไม่เบื่อ เลยน้องฮัก..ชักติ๊ดใจ๋..


***เหอะๆ ขออภัยอีกรอบ..แบบว่าอยากแจมอ่ะนะ...   (ปี้สายบัว)

ถ้าปี้บัว ติดใจ๋ น้องใคร่ยิ้ม
อกนี้อิ่ม สุขล้ำ ในหัวใจ๋
อันที่จริง ใคร่เขียนกลอน กำเมืองไป
กลั๋วคนอื่น บ่เข้าใจ๋ ในใจ๋ความ

ปอดีล้ำ ตี้น้องไก่ ได้มาเริ่ม
ชลขอเสริม ฮ่วมใจ๋ ไปติดต๋าม
ถ้าอ่านแล้ว บ่เข้าใจ๋ ในใจ๋ความ
ก่ฮื้อบอก จะแปลต๋าม ฮื้อโวยๆ

...อ่านยากหน่อยนะค่ะ ถ้าไม่เข้าใจคำไหนถามได้นะค่ะ

[จีราวัฒน์]

    กำล้านนา กำเมือง  ของคนเหนือ
อ่านบ่เบื่อ เบื่อถือได้ ไก่คนจ๋น
วาสนา ตั๋วเฮา มันหมองมน
ก้อเลยโดน สาวเจ้า จุ๊ฮักไป

   ตั๋วผมนี่ เป็นจายแต้ แต่อกหัก
เพราะคนฮัก ของเปิ้น มาหนีหาย
ย่ะจะได ดีเล่า ปี้ยิงจาย
จ้วยกั๋นคลาย ความทุกข์ ของผมโตย

   เข้ามาอ่าน ข้อความ ใจ๋สดชื่น
จะกลับตื่น หมื่นครั่ง กะซื่อหวย
เปิ้นตั้กมา ว่าตั๋วผม จะฮักเลย
คงจะเป๋น หม้ายเขย เหียแต้กา

    - - - ยังบ่ได้แต่งเตี้ยหนาครับ พอดีกลอนมันปาไปเน่อ- - - - 

[Kotchanan]

หัวใจ๋ เด็กล้านนา น่านับถือ
ดูใสซื่อ น่าฮัก นักน้องจ๋า
ยังไงก็ เป๋นคนไทย ตวยกั๋นนา
อู้กำเมือง ผิดอย่าว่า..ถือสากัน...(ปี้สายบัว)

***แบบว่า..ติดใจ๋ภาษาเหนือขอฮ่วมแจมตวยนา...(เพี้ยนเป่าก็บ่ฮู้) 

[สายใย]

อ้ายคนจนจ๋ำต้องทนปั่นรถถีบ
จะไปจีบอี่น้องคนงาม
พอไปถึงอ้ายก็ฟ่างเอิ้นถาม....(ซ้ำ)
อี่น้องกนงามกิ๋นข้าวแลงแล้วก๋า.....

              (จาก สาวมอเตอร์ไซลค์ ของท่าน จรัล มโนเพ็ชร)
                ขออภัยครับ  แค่ชอบฟังแต่ อู้บ่จ้าง ครับ

[จีราวัฒน์]

    มักกั๋นแต้  กำเหนือ อ่านม่วนใจ๋
สุขสบาย  กู่วัน  เมื่อนั่งเขียน
อู้กั๋นไป  คุยกั๋นไป  ภาษาเซียน
จ๋นวนเวียน  อยู่ในใจ๋  ไทยกู่คน

    มาวันนี่  เด็กเหนือ  นามว่าไก่
ถูกทำร่าย  โดยสาว  ใจอกุศล
มาจุเฮา  ฮื่อฮัก  จ๋นหลงกล
เลยเป๋นคน  ขี้เศร้า  นั่งง่าวกู่วัน

    เปิดโพสกลอน  แก้เซ็ง  จ๋นม่วนใจ๋
ตึงหญิงจาย  หลายคน  ตกมนต์กั๋น
ภาษเหนือ  เป๋นภาษา  น่าเจื้อมั่น
อู้กู่วัน  เรียนกู่วัน  หากหมั่นเอย

   อยากจะเป๋น  ไป้เหนือ  ปี้รอจ้า
มาเต๊อะหนา  มานั่งคุย  กับอ้ายเขย
ว่าน้องนาง  ก็ฮัก  อ้ายชามเชย
อยากเป๋นน้อง  ไป้เขย  คนล้านนา..

  ***** เริ่มมั่วละครับปี้น้อง   จะใดก็ติชมกั๋นจิ่มเน่อครับ******

[Kotchanan]

อ่านม่วนอก ม่วนใจ๋ แต๊แต๊นา
ปี้บัวมา ทักทาย ป้อจายไก่
ย่ะอันหยั๋ง หลงเจื้อ มอบเยื่อใย
เป๋นจะใด สาวหลอก ชอกช้ำทรวง

ถูกทำร่าย โตยไผ หัวใจ๋สิงห์
ฮักบ่จริง ทิ้งมา น่ำต๋าล่วง
เป๋นคนภาค จะใด มาหลอก.ลวง
ปี้เป๋นห่วง นะน้องจาย..หายโวยโวย..


**โวยๆ แปลว่า ไวๆ ใช่ป่ะคะ..แปลให้ด้วยน้า..ถ้าไม่ใช่จะกลับมาแก้อ่ะค่ะ 
 

[จีราวัฒน์]

    โวยโวย แปล๋ว่า ไวไว
เล่นกำเหนือ คราใด ใจ๋สดใส
พูดภาษาไทย ครั้งใด  ใจละลาย
เลยขอเป๋น ภาษากาย  ไก่ล้านนา
 
    ว่าจะใด  คนงาม  นามก็เพราะ
เสียงเสนาะ  ติดหู  อยู่แต้หนา
ได้อ่านจื้อ  กู่วัน  ใจ๋สั่นซา
อ๋อ ปี้จ้า  มาเรียนกำ  คำเหนือไทย

[Kotchanan]

อู้กู่วัน เรียนกู่วัน หมั่นศึกษา
ปี้หวังว่า คงอู้ได้ ดั่งใจ๋หนา
ฮู้อะไร  บ่สู้  ฮู้วิชา
ฮู้ภาษา- เหนือไว้ ถูกใจ๋จริง.


**แบบว่า..ชอบอ่ะค่ะ..บ่ฮู้อู้ถูกป่ะ..คนเหนืออ่านเจอคงงงๆ

[จีราวัฒน์]

     ก๋านศึกษา  บ่มี  วันจบสิ้น
แม่ยุพิณ  อยากเรียน  แต้ก่อหนอ
ถ้าอยากเรียน  ตั๋วผม ก็จะรอ
ผมจะขอ  เป๋นครู  ฮื่อปูจา
 
    อยากจะฮู่  กำไหน  ก็บอกเน่อ
จะปี้เก้อ ปี้จั้น  หมั่นถามหา
อย่าปี๋รอ  ฮื่อมัน  ล่วงเวลา
แล่วปี้ยา  จาบ่ฮู่ กำอู้ฮั่น

[สายชล]

กระทู้นี้ โจ้ยกั๋น แข็งขันแต๊
เอากำป้อ กำแม่ มาอู้กั๋น
ฮื้อม่วนอก ม่วนใจ ไปตึงวัน
โจ้ยฮักษา กำเมืองนั้น สืบต่อไป

ส่วนปี้บัว คนไทย ใจ๋ยังฮัก
เข้ามาตั๊ก อู้กั๋น บ่หวั่นใจ๋
แถมยังมี ปี้จาย จื่อสายใย
มาตั๊กกั๋น ฮื้ออุ่นใจ๋ ใคร่ขอบคุณ

ลาไปนอนก่อนเน่อเจ้า วันพูกเยี๊ยะก๋านเจ๊า