ต่อไป »

[บุคคลทั่วไป]

กด Link เพื่อร่วมกิจกรรม ผ่านFacebook (หรือกดปุ่มสมัครสมาชิกด้านบน)

[หนุ่มเมืองน้ำดำ]

เจ้ามีแฟนแล้วบ่หล่า   คนสบตาหัวใจอุ่น

เอียงไหล่หนุนให้ฝากแก้ม   ส่งยิ้มแต้มถ่าตื่มฝัน

หากแม่นถ่าไผคนนั้น   บ่ไกลกันเป็นได้บ่

แนวได๋น้ออ้ายอยากฮุ้   พอได้สู้ตำแหน่แฟน

ขออยู่แทนห้องใจว่าง   ควงแขนย่างยามเดียวดาย

เติมความหมายบนทางฝัน   มื้อเบิ่งจันทร์อยากมีเจ้า

ไผน้อเขาคนที่ใช่   คนของใจเจ้าว่าแม่น

หนุ่มพิณแคนฟังลำซิ่ง   สตริงเท่เสน่แฮง

หากเบิ่งแยงมาทางอ้าย   ฝากเบอร์กายแทนยิ้มส่ง

สิขอลงบันทึกไว้   ในชิมอ้ายว่าคู่ใจ

ยามมื้อไกลบ่เห็นหน้า   ขอโทรหาเติมใจอิ่ม 

ได้ฟังเสียงแทนรอยยิ้ม   กะอิ่มบ้างต่างคิดถึง....


กลอนภาษาอีสานเพื่อเพิ่มความแปลกใหม่ให้กับผู้อ่าน ผิดถูกประการใด ขออภัย ณ ที่นี้ด้วยนะครับ

[กระต่าย]

เลาะมายามย้อนคึดฮอด  เลาะมาจอดหาป่องใจ
 คนผู้ไคคือพี่เจ้า  เว้าพื้นกะซอดมา ซั่นแหล่ว
เห็นเจื้อยแจ้วถามแต่สาว เอื้อยเลยฟ้าวมาจอบเบิ้ง
ไผ๋น้อเถิงทางใจ  พอสิได้ข่าวดีบ้อ..น้องหล่า
เปิดบอร์ดถ่าหาข่าว  ซุมผู้สาวมิดอิ่มซิ่ม 
เพิ้นมาถิ่มแต่หางตา  ปล่อยน้องหล่าเอื้อยฝันค้าง  บ่น้อ
อย่าสิท้อเด้อใจ  อย่าสิไกลเด้อท้าว
สาวทางเหนือเพิ้นเรียบร้อย  คอยไปอย่าได้จ่มเด้อ..น้องหล่า

 ....อิอิมาจอบซื่อๆ..ย้านผุลางคนหนีจากบอร์ด