...แสงตะเว่นพาล้าน้ำตากะไหลหยาว คึดฮอดบ่าวผูใกล้ไปไสมาต้อน
อ้ายเอ้ย...คั่นคึดฮอดนางผูถ่า กะหลบมาเถียงนาฮ่วม
อีเกิ้งเย้ยย่ามมืด จิ้งหรีดมาฮ่องใส่
นางผูฮ้ายยังถ่าอยู่หม่องเก่าเด้ออ้ายเด้อ...วาซันแหล่ว...
นางเอ๊ย อ้ายกะอยากไปซ้อนนอนตักดอกนั่งฮ่วม อยากไปไกล้งานอ้ายผัดไล่มา
อ้ายกะยากไปจาเว้าต่อพะนางน้อง คองถ้าคองคอยอ้ายอยู่เถียงนาสาก่อน
อ้ายสิสอนลอนหน้าไปซ้อนต่อพะนาง
หนทางไกลกะบ่ย้าน แล้วเวียกงานสิฟ้าวต่าว ว่าแต่ทางอ๋วนเจ้า คอยถ้าพี่ซ้าย
ย้านแล้ว ย้านแต่ตั๊วะอ๋วนอ้าย ให้พาเฮือกลางท่ง ย้านลงข้ามน้ำยามขึ้นผาดแล่นหนี
ย้านแต่มีกุญซรซ้างทางนั้นสิขี่หนี ซันแหลวววววว
ถ้าหากมีกุญชรต้อนมาฮ่วมขี่ กะบ่หนีถ่าอ้ายนั้นผูเดียว
ย้านแต่พ้อนางผูงาม บ่หันต้อนคนอยู่ไกล
ไผ...น้อ สินอนหนุนซ้อนนางผูถ่าเถียงนาเก่า
ได๋แต่แหงนเบิ่งฟ้าถ่าตะเว่นหย้อยคอยอ้ายคืนนา...วาซันแหลวววววววหล่านางเอ๊ย ใจอ้ายนั่นหมั่นแก่นปานหิน โยนลงน้ำกะหมิ่มแมนบ่ฟู
ไอ้บ่เคยใจเลี้ยวสิเกี้ยวใส่สาวใด๋ เบิดหัวใจพี่ซายบ่มีไผมีแต่น้อง
ไห้เจ้าคองคอยถ่าอยู่เถียงหม่องเก่า อ้ายสิต่าวคืนบ้านหาเจ้าดอกอีหลี
ส่วนสาวนางอยู่พี้แมนสิงามปานได๋ บ่เคยหมายเคยมองส่องไปให้ใจเปื้อน
เจ้าเป็นเดือนอ้ายเป็นฟ้าผลามีได้คู่ ฟ้ากะหนึ่งเดือนกะหนึ่งอยู่ยั้งดอมกัน
สาวไทอื่นทางหั่นคือดวงดาวใส่ส่อง อ้ายบ่มองบ่หมายหมั่นดาวนั้นแมนสิงาม
มื้อได๋เดือนอยู่ก้ำทอแสงใสสง่า ดาวอยู่เทิงแผ่นฟ้ากะหายซ้ำปล่าวดายนางเอ๊ย
มื่อเดือนหายดับจ้อยคืนแรมมึดค่ำ ฟ้ากะดำบ่แจ้งเป็นได้ดั่งกัน นางเอ๊ย
ให้เจ้าคองคอยถ่าอยู่นาหม่องเก่า อ้ายสิเมือหาเจ้านางน้องอย่าได้หมาง
หนทางคืนเมือบ้านซ่างมาไกลควบลำบาก ยากคอบควมฮักเจ้าอ้ายสิฟ้าวต่าวหา
คึดเบิ่งเด้อนางหล่า สิบแม่น้ำซาวแม่น้ำ อย่าสิหย่อเป็นแผ่นดินเดียว
ทางสิบคืนซาวคืน อ้ายสิหย่อเป็นคาวมื้อ
สิบซีอ้ายสิข้าม ซาวโขงอ้ายสิล่อง
สิบแม่น้ำ ซาวแม่น้ำขวงหน้าสิต่าวมา
แมนว่าแดดเต็มฟ้า อ้ายสิฝ่าต่างฝน
อดสาทดควมทุกข์ สิฟ้าวด่วนมาหาน้อง สันแหลววว นางเอยย
