ต่อไป »

[บุคคลทั่วไป]

กด Link เพื่อร่วมกิจกรรม ผ่านFacebook (หรือกดปุ่มสมัครสมาชิกด้านบน)

[นพตุลาทิตย์]

เตี้ยงแต้ดีหลี   กวีว่าไว้
จดจ๋ำใส่ใน      ใจ๋หน้อย
คบเปื้อนสหาย   เปิ้ลหมายเกี่ยวก้อย
บ่ดีเจื้อถ้อย        ฟังกำ
เปิ้ลจุ๊เปิ้ลใจ๊       จะไปถลำ
บ่ดีใจ๋ดำ           หื่อเจ้น
ถ้าคบบ่ดี           หื่อเว้น หื่อเว้น ไปแล

คือแบบ ไม่รู้ถูกป่าวนะ ใครมีความรู้ช่วย แนะหน่อย

[อักษรศิลป์]

@.เกยได้ยินพ่อง   ลักท่องลักจ๋ำ  ลองแต่งลองดำ   เผื่อแม่น

@.ลองผ่อกอยลอง  สมองบ่แล่น   กระท่อนกระแท่น  แต่งมา

@.ใจ้ภาษาไทย  ป๋นเมืองตวยหนา  บทกลอนล้านนา   เลยเพอะ

@.อ้ายขอปอก่อน    ก่อนกลอนจะเลอะ   ยิ่งเขียนยิ่งเพอะ   ลุงลัง

@.คนอ่านงงแน่   แป๋ว่าอะหยัง   ลองอ่านลองฟัง   ฟั่งงงเตื้อเจ้า  ฟั่งงงเตื้อเจ้า...   

                       

[นพตุลาทิตย์]

[/font]ยินดีล้ำ  จะนำพี่น้อง  เข้ามาอ่านถ้อง  ค่าวฮ่ำกำจ๋า
คำกลอนกล่าวนั้น  คนจ้างเซาะหา  เป๋นค่าวเครือมา  สืบทอดกั๋นไว้
ตึงดีเตี้ยงแต๊  ยอมือขึ้นไหว้  บ่ว่าคนใด  ใจ๋ฮัก
พี่น้องทั้งหลาย  น้องนายพร้อมพรัก  อยากไข้เห็นหน้า  มาไจ
คนเมืองเฮานั้น  เขาคงดีใจ๋  รีบเข้ามาไว  มาแอ่วมาอู้
ค่าวซอของเฮา  บอกหื้อเปิ้นหู้  แวะเข้ามาดู  กั๋นแต๊
อู้นักปากหลาย  ปอก่อนว่าไว้  เวลาก่ใกล้  เลิกมา
ขอบอกกำลา  ขอปอเท่าอี้  เท่านี้ค่าวซอเฮา  ก่อนแลนายเหย

[นพตุลาทิตย์]

ถึงพี่อักษรศิลป์ ครับ แต่งเ ก่งมาก เลย มีมุขด้วย หุหุ

     เปิดปั๊บสา   ต๋ำฮาว่าไว้   ปี้น้องเหนือใต้   ขะใจ๋พ่องหนา
ว่าจุ๊ว่าแต๊   เข้ามาอู้จ๋า   ปี้น้องอาวอา   เปิ้นบอกว่าอั้น
ตุลาทิตย์นี้   บ่มีหยังกั้น   เป๋นปี้น้องอัน   แน่แต๊
     อ้ายอักษรศิลป์   ได้ยินมาแล้   กำกลอนไผแน่   เอามา
น้องบ่ได้ต๊า   บ่ว่ากั๋นหนา   เฮาคนล้านนา   ฮ่วมกั๋นสืบสร้าง
ดอกเอื้องเมืองเหนือ   ล้านนาโลกกว้าง   ขอเข้ามาไจ   พ่องเต๊อะ
    อู้ไปอู้มา   น้องว่ามันเพ๊อะ   หยังอี้เจ่นล้ำ   เนอนาย
ขอจ๊บค่าวจ๊อย   เป่งป๊อยกำจ๋าย   วันหน้าเนอนาย   อู้กั๋นเน้อเจ้า   อู้กั๋นเน้อเจ้า