[บุคคลทั่วไป]

กด Link เพื่อร่วมกิจกรรม ผ่านFacebook (หรือกดปุ่มสมัครสมาชิกด้านบน)

[สล่าผิน]

สิบนิ้วยอสา  วันตากราบไหว้ ขอวอนเทพไท้  ปกเกล้าเก๋ศา
จ้วยผ่อกอยน้อง  ไล่ส่องปั๋นหา  จะไปหื้อมา  ถึงตั๋วน้องหล้า
วันเกิดปี๋นี้ ปี้ขอหื้อฟ้า สุขใจ๋อุรา   เน้อน้อง

อยู่ม่วนกิ๋นหวาน  สำฮานก๋านต๊อง ตุ๊กบ่าเกี่ยวข้อง  ตั๋วนาย
สุขใจ๋แต๊แต๊  สุขใจ๋หลายหลาย  ขอหื้อสบาย  หมดเจ็บป่วยไข้
หื้ออยู่ห้มเย็น  บ่าฮ้อนบ่าไหม้  จะไปตางใด  ม่วนล้ำ

ยะเวี้ยกยะก๋าน เจยบานหายจ๊ำ  มีเงินทองใจ้  อย่างดี
เปื้อนฝูงก็ฮัก   คนฮักบ่าหนี  ไปไหนก็มี  คนจ๋าอู้เหล้น
แม่ญิงอวบขาว  สาวสาวเป๋นเส้น มาฮักมาเมา  บ่าย๊าง

เจ้านายก็หม  นิยมขึ้นก๊าง  เป๋นอวดเป๋นอ้าง  เออออ
เรื่องเจ็บป่วยนั้น  หมดกั๋นแล้วหนอ  เงินทองก็ปอ  บ่าฮ้อนบ่าไหม้
มีเหล้ามียา  มาหาใจ้ใจ้  กิ๋นแล้วสบาย  ยิ่งนัก

อวยพรมาหลาย  หื้อจายน้องฮัก  จะจบเต้าอี้  เนอนาย
จำจะบ๊ายบาย  จบลงเต้าอี้  ตั๋วปี้จ๋ำต้องวางลง  ก่อนแลนายเฮย

สล่าผิน
26พค.2554

เป็นคำค่าวของทางเหนือครับ