|
หัวข้อ: เจ้ามีแฟนแล้วบ่หล่า(เธอมีแฟนหรือยัง) เริ่มหัวข้อโดย: หนุ่มเมืองน้ำดำ ที่ 01 กุมภาพันธ์ 2012, 11:37:AM เจ้ามีแฟนแล้วบ่หล่า คนสบตาหัวใจอุ่น เอียงไหล่หนุนให้ฝากแก้ม ส่งยิ้มแต้มถ่าตื่มฝัน หากแม่นถ่าไผคนนั้น บ่ไกลกันเป็นได้บ่ แนวได๋น้ออ้ายอยากฮุ้ พอได้สู้ตำแหน่แฟน ขออยู่แทนห้องใจว่าง ควงแขนย่างยามเดียวดาย เติมความหมายบนทางฝัน มื้อเบิ่งจันทร์อยากมีเจ้า ไผน้อเขาคนที่ใช่ คนของใจเจ้าว่าแม่น หนุ่มพิณแคนฟังลำซิ่ง สตริงเท่เสน่แฮง หากเบิ่งแยงมาทางอ้าย ฝากเบอร์กายแทนยิ้มส่ง สิขอลงบันทึกไว้ ในชิมอ้ายว่าคู่ใจ ยามมื้อไกลบ่เห็นหน้า ขอโทรหาเติมใจอิ่ม ได้ฟังเสียงแทนรอยยิ้ม กะอิ่มบ้างต่างคิดถึง.... กลอนภาษาอีสานเพื่อเพิ่มความแปลกใหม่ให้กับผู้อ่าน ผิดถูกประการใด ขออภัย ณ ที่นี้ด้วยนะครับ หัวข้อ: Re: เจ้ามีแฟนแล้วบ่หล่า(เธอมีแฟนหรือยัง) เริ่มหัวข้อโดย: กระต่าย ที่ 08 กุมภาพันธ์ 2012, 08:06:PM เลาะมายามย้อนคึดฮอด เลาะมาจอดหาป่องใจ คนผู้ไคคือพี่เจ้า เว้าพื้นกะซอดมา ซั่นแหล่ว เห็นเจื้อยแจ้วถามแต่สาว เอื้อยเลยฟ้าวมาจอบเบิ้ง ไผ๋น้อเถิงทางใจ พอสิได้ข่าวดีบ้อ..น้องหล่า เปิดบอร์ดถ่าหาข่าว ซุมผู้สาวมิดอิ่มซิ่ม เพิ้นมาถิ่มแต่หางตา ปล่อยน้องหล่าเอื้อยฝันค้าง บ่น้อ อย่าสิท้อเด้อใจ อย่าสิไกลเด้อท้าว สาวทางเหนือเพิ้นเรียบร้อย คอยไปอย่าได้จ่มเด้อ..น้องหล่า emo_60....อิอิมาจอบซื่อๆ..ย้านผุลางคนหนีจากบอร์ด emo_84 (http://www.qzub.com/bar_135.gif) (http://www.qzub.com) |